கவிஞர் தாமரை சீரங்கத்தில் போட்டியிடுகிறார்!

"தமிழ் நேர்மையாளர் கூட்டமைப்பு" என்ற
தமிழ் மறுமலர்ச்சி அமைப்பு பழ.நெடுமாறனை
ஒருங்கிணைப்பாளராகக் கொண்டு உருவாகி தேர்தல்
களத்தில் பரபரப்பை ஏற்படுத்தியிருக்கிறது.

இவ்வமைப்பு தமிழ்நாட்டில் மொத்தம் 45 தொகுதிகளில்
வரும் சட்டமன்றத் தேர்தலில் போட்டியிடுகிறது.

ம.தி.மு.க தேர்தலில் நிற்காவிட்டாலும்
இவ்வமைப்பிற்குத் தன் ஆதரவை நல்கியிருக்கிறது.

சீமான், பெ.ம, கொளத்தூர் மணி, தியாகு,
கோவை இராம கிருட்டிணன் உள்ளிட்ட
தமிழ் நேர்மையாளர்கள் யாவரும் இவ்வமைப்பிற்குத்
தங்கள் ஆதரவைத் தந்துள்ளனர்.

கட்சி என்ற பெயரில்லாது, நல்ல வேட்பாளர்களையும்
ஆர்வலர்களையும் தேர்ந்தெடுத்து போட்டியிடுவோம்
என்று பழ.நெடுமாறன் தெரிவித்துள்ளார்.

தமிழ்நாட்டையும் தமிழரையும் கெடுத்துவரும் மூன்று
பெரிய கட்சிகளையும் மறுப்பதுதான் முதற்குறிக்கோள்
என்று அவர் தெரிவித்ததோடு, 7 பேர்கொண்ட முதற்கட்ட
வேட்பாளர் பட்டியலையும் அறிவித்தார்.

1) சீரங்கம் - கவிஞர் தாமரை
2) திருவாரூர் - சாகுல் அமீது
3) வில்லிவாக்கம - பழ.நெடுமாறன்
4) கொளத்தூர் - குமரேசன் (முத்துக்குமாரின் தந்தை)
5) வேலூர் - தென்னரசு
(அல்லது எங்கு ஞானசேகரன் நிற்கிறாரோ
அங்கு தென்னரசு நிற்பார்)
6) கோவை மேற்கு - கோவை இராமகிருட்டிணன்
(அல்லது எங்கு எசார்.பாலசுப்பிரமணியம்
நிற்கிறாரோ அங்கு).
7) கடையநல்லூர் - தமிழரசி
(முத்துக்குமாரின் தங்கை) (அல்லது எங்கு
பீட்டர் அல்போன்சு நிற்கிறாரோ அங்கு)

மீதி உள்ள 38 இடங்களுக்கும் நாளை மாலைக்குள்
வேட்பாளர்கள் அறிவிக்கப் படுவார்கள் என்றும்
தனியாகச் சின்னம் ஒதுக்கும்படி தேர்தல் ஆணையத்திடம்
கேட்கவிருப்பதாகவும் தமிழ் நேர்மையாளர்
கூட்டமைப்பின் ஒருங்கிணைப்பாளரும்,
தி.மு.கவின் பல பித்தலாட்டங்களுக்கு
ஆமாஞ்சாமி போடும் முதுபெரும் திராவிடத்துவா
தலைவர் க.அன்பழகனை எதிர்த்துப்
போட்டியிடும் வேட்பாளருமான
பழ.நெடுமாறன் அறிவித்தார்.

சாதிக்கட்சிகளின் ஒப்புக்குச் சப்பாணி
போன்ற ஏமாற்றுத் தமிழாதரவை
இனி நம்பப் போவதில்லை என்றும்
அறிவித்திருக்கிறார்.

மேலும் படிக்க:

"தோல்வியை நக்கிச் சுகம் காணும் தமிழ் உணர்வாளர்கள்!"
http://nayanam.blogspot.com/2011/03/blog-post_22.html

அன்புடன்
நாக.இளங்கோவன்

பி.கு: நேற்று கண்ட கனவில் நான் படித்த
செய்தித்தாளில் இந்தச் செய்தி இடம்பெற்றிருக்கிறது.
http://waste-dreams.of.tamils.null/index.html

பல ஆயிரம் பேரின் கனவுதான் இது!
வெறும் வெற்றுக் கனவுதான்.

ஆனால் சிந்தித்துப் பாருங்கள் நண்பர்களே,
இவர்கள் ஏன் தேர்தலில் நிற்கக் கூடாது?

ம.தி.மு.க, நாம் தமிழர் இரண்டு கட்சிகள்
மட்டுமே குறைந்தது 5000-1000 வாக்குகளைத்
திரட்ட முடியும். தேர்ந்தெடுக்கப் பட்ட
தொகுதிகளில் இதைவிட அதிகமாகப் பெறமுடியும்.

தொகுதி சீரமைப்பில் ஒரு நல்ல மாற்றம் தெரிகிறது.
ஒன்னரை இலட்சத்தில் இருந்து இரண்டு
இலட்சம் வாக்குகள் கொண்ட தொகுதிகள்தான்
மிகப் பெரும்பான்மை.

களத்தில் புகுந்தார்கள் என்றால் அனைவரையும்
கதறடித்துவிடுவார்கள். ஆனால் அவர்கள்
சக்தியை அவர்கள் உணர மறுக்கிறார்கள்.

கதைக்கு உதவா சிந்தனையற்ற வட்டங்களைப் போட்டு
அதில் நின்று கொன்டிருக்கிறார்கள்.

அறிந்தோர் பெரியோர் அறிவுறுத்துங்கள் இவர்களுக்கு.